Sunday, April 8, 2012

قصيدة كتبها شاب بسبب نظرة فتاة


السلام عليكم و رحمة الله و بركاته... أعزائي أنقل لكم قصيدة فيها عبر عظيمة, قصيدة عن بنت تنظر إلى شاب و هو مع أصحابه في المطار و بالرغم من ذلك فبصرها متجه إليه.  و لهذا الموقف أنشد الشاعر أبياتا يقول فيها:

كل شبر بهآ الوسيعه ملك ربي تعلمين
واعلمي ان اللّي خلقني هو خلق لك هالعيون

لكن انتي من جلستي وانتي فيني تنآظرين
كن مآ به ناس غيري بهالكراسي يجلسون!!

لو سمحتي عاد اسمعي وحتى لو ماتسمحين
المهم اللّي باقوله تسمعينه ويسمعون

عالأقل ليآ ناظرتك سوي روحك تستحين
غظي طرفك مثل غيرك خوف ربعي يلمحون

الركاده عاده زينه والحيا في البنت زين
وفيك!!جازم لا ركاده ولا حياء يذكرون

تعرفيني؟!! أعرفك؟! ماأذكر إنّا ملتقين
لا أعرفك من تكوني ولا تعرفي من أكون

واطمئني كان قصدك ‏بـس فيني تشبّهين
ماهو انا اللّي تعرفينه والبشر يتشابهون

مادريتي من التشابه يخلق الله أربعين
واعرف أربع يشبهنّك بس، والله يستحون

وكان قصدك شي ثاني؟عاد قولي وش تبين
خايف انّا نصير فرجه والّلي مااشتروا يتفرجون

واذا ببالك عاجبتني لا يوحشك ! تحلمين
صحّ ربعي من جمالك فيك صاروا يمدحون

بس وش الّلي في حلاتك دآم فيها ترخصين
حشمة البنت بحياها والكرامه يلفتون

ولو توفر فيك هذا مع حلاتك تبشرين
ماهو آنا 'ألف غيري باب بيتك يطقّون

وش علامك رغم كل اللّي أقوله تسكتين
مو طبيعي هالسكوت وهالبرود وهالسكون

انتي خرسا؟!!!! أسألك" والاّ منتي تسمعين
قالو ربعي ذي كفيفه قلت لا لا !!!تمزحون!!!

لين شفتك يوم رحتي يمسكونك باليدين
مادريت إلا عيوني أربع أربع يذرفون...

آآآه ياآآآآنه مشهد يوم شفتك ترحلين
جيت اشوف عيون ربعي لقيت الكل يدمعون

يالكفيفه يالعفيفه إن قلت آسف تقبلين ؟؟
يغفر الله ذنوب عبده ليآ خطا! وهل تغفرين؟؟

                                                                                   
إخواني و أخواتي, دعونا نترك إساءة الظن بالآخرين, و تذكروا أن كل حركة أو نظرة أو كلمة يبدأ الشيطان ينفخ ويهمز وينفث و للأسف نصبح ضحية من ضحاياه... احسنوا الظن بالآخرين واشتغلوا بإصلاح انفسكم...